मेधावी छात्र–छात्रालाई छात्रवृत्ति वितरण
देहरादून। गोर्खाली सुधार सभाको सेलाकुई शाखाको वार्षिक अधिवेशन दुर्गा मन्दिर परिसर, सेलाकुईमा शाखा अध्यक्ष Rajesh Pradhan को अध्यक्षतामा सफलतापूर्वक सम्पन्न भएको छ।
कार्यक्रमको प्रारम्भमा शाखा अध्यक्षले प्रमुख अतिथि तथा गोर्खाली सुधार सभाका केन्द्रीय वरिष्ठ उपाध्यक्ष Rajan Chhetri, सचिव मधुसूदन शर्मा तथा मिडिया प्रभारी प्रभा शाहलाई स्वागत तथा सम्मान गरेका थिए।
त्यसपछि शाखा कोषाध्यक्ष Raj Bahadur Thapa ले विगत वर्षका गतिविधि तथा आय–व्ययको विस्तृत प्रतिवेदन प्रस्तुत गरेका थिए।
कार्यक्रममा कृष्णा मल्ल, हरि बहादुर थापा, मोहन सिंह थापा तथा पण्डित विनोद अधिकारीले आ–आफ्नो मन्तव्य राखेका थिए। केन्द्रीय पदाधिकारीहरूले गोर्खाली सुधार सभाले सञ्चालन गरिरहेका सामाजिक कार्य, उपलब्धि तथा आगामी योजनाबारे विस्तृत जानकारी दिएका थिए। यस अवसरमा केन्द्रीय वरिष्ठ उपाध्यक्ष राजन क्षेत्रीले शाखाका मेधावी छात्र–छात्रालाई छात्रवृत्ति वितरण गरेका थिए। छात्रवृत्ति प्राप्त गर्ने विद्यार्थीहरूमा लावण्या खड्का, सोनाक्षी लिम्बु, दीपाली तथा सिया सिंह रहेका छन्।
कार्यक्रममा केन्द्रीय अध्यक्षतर्फबाट शाखाका श्री मोहन कामी तथा श्रीमती रीता देवीलाई आर्थिक सहयोगसमेत प्रदान गरिएको थियो। केन्द्रीय पदाधिकारीहरूले शाखा अध्यक्ष राजेश प्रधान तथा शाखाले सञ्चालन गरिरहेका सामाजिक गतिविधिको प्रशंसा गर्दै आगामी दिनमा पनि यस्तै सक्रियता र सहयोगको अपेक्षा व्यक्त गरेका थिए। यस अवसरमा मन्दिर अध्यक्ष नीलम थापा, किशन सिंह मल्ल, राम बहादुर क्षेत्री, नेहा प्रधान, संगीता खड्का लगायत शाखाका वरिष्ठ सदस्य, मातृशक्ति, युवा तथा अभिभावकहरूको उल्लेखनीय उपस्थिति रहेको थियो।
About the Author
